(شهریور آئی . شهریار آئی.................)
اوستاد شهریارین ائیل دونومی مناسبته

نیه دویمور بو فلک سئچمه ده ن اولدوزلاری بیر بیر
آیری دوشمکده آیندان اوجالیر سوزلاری بیر بیر
شاختادی دنیا چالیر گوللری توپوزلاری بیر بیر
قویوب حسرتده گولی بولبولی نوروز لاری بیر بیر
واریدی باشدا او گونلر کی کونول شادیدی دئیل شاد
آیریلیق چایداقی بر بادیدی.وصلت ائوی آباد
آی دی سانکی چیخاردی گئجه لر بیر قوجا داماد
قارا چارشابلی گوی اولدوزلاری بالدوزلاری بیر بیر
الده کسگین قلیجیله باشا قالخاندی پاپاغی
گوئده ن الهامدا قولاغی.حوض کوثرده دوداغی
قاناد آلماخدا ملک ده ن باغ جنتده ایاغی
آغ ملک لردی سیلیر گوزلوگونون توزلاری بیر بیر
دنیانین قایداسیدیر داشدا یازیلمیش ازلینده ن
وورقون عشقینده یاخیلسین یئسین آنجاق جگرینده ن
گوجی چاتمیر فلکین ظلمی آلا ظالم الینده ن
آپاریر قوللوغا قول باغلی بو یالقوزلاری بیر بیر
دنیانین کونلی تیکانلیق دی محبت گول آچانمیر
بو تیکانلیقدا ائتیرمیش چاریقین غمده قاچانمیر
گونی قالیندی بیلیر ظالمه بیر ائیگنه ساچانمیر
باتیریر دئیل جانینا قانلی جوالدوز لاری بیر بیر
گوره ن الله بو نه دندی ده لی ویرانه نی توشلار
نیه پروانه شمعی ؟شمع نیه پروانه نی خوشلار
آمما دنیا قانی خوشلار .آنالیقدان الی بوشلار
بوغار اوز دوغدوغی اوغلان لارینی قیز لاری بیر بیر
یاتیب آنجاق ائلیمین آرخاسی خسته داها رویادان اویانماز
قارا بختینده ن اوصانماز یاخیلیب اودلارا یانماز
بیر بئله باش ئیه دنیا ئینه دوغماقدان اوتانماز
باخیری قوغزانا عرشه آهی سونسوزلاری بیر بیر
قوروموش گوزلر آنا یایلیقی وئر دولدی تر اولدی
منیم عشقیم سنه آی شهریاریم ائلده سر اولدی
کوله دونموشدی یاخیلمیش ((باهارین)) طبعی زر اولدی
گومانیم شهریار عشقی ارئیدیب بوز لاری بیر بیر
.............بهمن وحدتی (باهار) اورومیه ...........................................88/6/7....
.....................