دوردلوق لر (رباعی لر)

او شیرینده ن شیرین جانانه کیمدیر
اولیلی ده ن گوزه ل مستانه کیمدیر

گلیدی کویمه مجنون و فرهاد
گورئیدی داغ ندیر دیوانه کیمدیر

دوروب بو عالمی غمده ن قاچائیدیم
ملک لر تک سمالاردا اوچائیدیم
گورذیدیم کیمدی غمسیز بو جاهاندا
الیمله اوستونه بیر گول ساچائیدیم

آئیندان ایریلیب بیچاره کونلوم
اولوبدور غصه ده ن صد پاره کونلوم
گورنده ن بولبولون حالی نزارین
دوشوبدور یالواریر هر خاره کونلوم

ازلده ن دونیایا دیوانه گلدیم
او شمعی روینه پروانه گلدیم
طریقی عشقده من کافریدیم
دولاندیم آخیری ایمانه گلدیم

الهی من نه درویشم نه سلطان
نه آرامام. نه مدهوشم نه طوفان
نه من قاندیم ندیر اسرار عشقی
نه زاهد بیلدی نه حلاج و صنعان

سوروم کیمده ن ؟ندیر آهیم الهی
کیمم من؟ هانسی یول راهیم الهی
پناهسیز بیر قوشام صحن ی چمنده
قوووب کاشانه ده ن شاهیم الهی

(اورومیه .............بهمن وحدتی (باهار) 6/6/88......................