غربی آذربایجان رادیو و تلویزیون مودورونه بیر آچیخ مکتوب

اولو تانرینین آدیلا
دوزی دوغری سی سوزومی هاردان باشلیام دوغردان که چتیندی (ده وه یه
دئدیلر بوینون ائیری دی .دئدی هارام دوزدی)
آیریجا سیزه اوزون بیر مکتوب یازماغا دا چوخ وقتیم یوخ .سوزون قیصاسی
بو گون غربی آذربایجان رادیو وتلویزیون مرکزی دوغوردان دا تک تک بوتون سئر چی لری آزار وئریر.بللی ده گیل دوغوردان دا بئلینچی بیر درده ده گمز ویرلیش لر کیمین اوچون حاضیر لانیر .بیر آز گوزون آچیخ توتان هر کس بو وئرلیش لرین ارزش سیز اولدوقون آچیخجا آنلیر.ایندی یا بو وئرلیشلری حاضیرلیان لارین بوندان آرتیق باشاراتلاری یوخدی و یا سیز بو عصرده یاشیان آداملارین سلیقه . ساواد. دوشونجه و نه ائسته دیق لرینده ن خبر سیز قالیب سیز
ساده جه وئرلیشلرین بیر نئچه تکرار اولان خصوصیتلری وار:
1-بیر چوخی یالنیز شبکه ده یایلان وئرلیش لری یانسیلیر .
2- حاضیرلانما اسلوب لاری همان اوتوز ایل بوندان قاباق سایاقی تکرار اولونور
3- کیمسه نی تاثیر آلتینا آلمیر .
4-چوق قوری وحوصله سیز حاضیرلانیر .
ووووووووووو.........................................
نمونه اولاراخ بیر محلی و بومی تلویزیوندا بوتونلوقجه فارس دیلینده یایلان اوشاقلار برنامه سینین هدف وسببی نمنه دی ؟
سیزده یاخچی بیلیرسیز فارس دیلینده شبکه ده ن یایلان اوشاقلار وئرلیشی
سیزین یایدیغی برنامه ئیزده ن مین که ره اوستوندی داها سیزین اونلاری یانسیلاماقا نه گره کیز وار؟آیریجا بیر بئله محلی تورکی دیلینده تربیه وی ناغیللار . اویونلار. شعرلروگوزل سوزلر نه زامان گون ایشیقی گوره جه خ ؟ .
دوغوردان بو عملین آدی اوستاندا یاشیان نئچه میلیون انسانین دیل واینانیشلارینا
توخونماق ده گیل؟
آخی بئله کی بیر شرایط ده استانی بیر شبکه نین قورولوشوندان هدف و منظور نمه نه دی؟
باشدا یازدیقیم کیمی (ده وه یه دئدیلر.....................)
حتی محلی دیلده یایلان وئرلیش لرین ده باشقا حکایه سی وار .هر آپاریجی بو دیلی مخصوص دانیشیر .اخی بیر دیلین نئچه جوره قایداسی وار ؟ رادیو و تلویزیون کی کوچه پاجا ده گیل نه جور گلدی دانیشاسان .بو دیلین دا باشقا دیللر کیمی ادبی فورماسی وار .نه ده ن بیر اونملی رسانه ده کوچه پاجا کیمین دانیشیلیر . مگر مللی شبکه ده ن یایلان ویرلیش لر بو سایاقدی؟
بللی دی بیر فرهنگی مجموعه ده بیر نئچه دوزگون دیل قایدالارینا ن تانیش اولان نظر صاحابلاری اولماسا نتیجه ده بیر دیلین قایدالارینان تانیش اولمیان مودورون گوزونده مطلوب اولاجاق وشبهه سیز او مجموعه نین یایدیغی وئرلیش لرین تای سیز و گوزل گوره جخ . فارسلار دئمیشی (عطر آن است که خود بوید )
بئله دوشونوره م کی دئیه سیز بس بیر بئله یایلان تورکی برنامه لری نمنه دی ؟

باشدا یازدیغیم کیمی بونلار بیر دیلین قایدالاریندان باشی چیخمیان آدامین گوزونده تورکی برنامه سیدی یوخسابیزیم سیزین دانیشدیقی تورکی دیلیزده ن باشیمیز چیخمیر ..

انجاق بو گون اورومیه رادیو و تلویزیون مرکز ینین عملکر دی شبهه سیز بئله دی:
1-بیر اوستانی شبکه نین قورولوش هدف لریندن اوزاخلاشماق .

2- مللتین دیل. عادت عنعنه لر . فولکولور وفرهنکی نن اویناماق .
3-کلان بیر مالی اعتبارلاری هدر ائتماخ
4-مللتی ائولرینده ن قاچیردیب پارک لارا سالماخ ( البته بو صونوج چوخ گوزل و فایدالی دی چون کی سیزین یایدیغی بو قاچیریدیجی ویرلیش لریزی نن ملت داها طبیعته یاخین لاشیب واونون گوزلیق لرینده ن فایدالانیر.
5- داملاری ماهواره انتن لرینن دولدورماخ .
6-محتواسیز وئرلیش لری خلقین خوردونا وئرماخ .
7-شخصی سلیقه نی ملتین ائسته دیق لرینه ترجیح وئرماخ .
8 –ملتین نشاط و طراوتی نن اوینماخ .
وووووووووو.....................................................................................
دوغوردان بئلنچی بیر عملکرد ی نن بو مللته نه جوابیز وار؟
شهرین وکندلرین بیر چوخ یئر لرینده هله ده جماعت قادر ده گیل راحت معمولی بیر آنتینی نن کانال لاری تنظیم ائله سین -. داها نه زامانا کیمین بو جماعت بئش- آلتی نفر مجری لر ی تحمل ائله سین .؟
تکنولوژینین پائی سیزین بر نامه لرئیزده نه اندازه دی؟
و ........... یوزلر آیری آیری سورقو و سوال لار کی شبهه سیز جوابسیز قالاجاق آنجاق بیر محلی وبومی شبکه نین قورولوشوندان هدف او استان دا یاشیان ملتین اوز فرهنگ و اوز دیلیجه برنامه یایماخ . جماعتین محلی سلیقه لرین لحاظ ائتماخ
-بومی پتانسیل لری قوتلندیرماخ.بیلیک . مذهبی. سوز. موسیقی. آبده لر وفرهنگی میراثلاری دئیر لندیرماق. اوشاقلاری آتابابا دب لرو تربیه وی عادت لرینن تانیش ائتماق وملتین اوز محلی ذوق وسلیقه سینه دایاناراخ برنامه حاضیرلاماق ونهایت اونلاری بیربئله صداقت وانسانیتلرینه لایق ائتماقدی . داها گئری سی سیزه قالیر کی بیر بئله قصورواسکیکلیق لرینن نینمه لی سیز ؟
.................................اورومیه بهمن وحدتی ........9 / 5 / 87