اورومیه (یا ) اورمیه

بیر چوخ منیم سایتیملا باغلانتی قورانلار سوروشموشلار :
نده ن من یازقی لاریمدا (ارومیه )یئرینه ( اورومیه) یازیرام . دئماخ بو یازقینین
سببی بئله دی :
دوزی دوغروسی بیر چوخ آراشدیری جی و تحقیقات چیلار (اورومیه ) کلمه سینین هاردان باش آلیب گلمه سی بارده ائسته ر ائچری ویا خارجی تاریخ چی لر
اوز نظر لرین ایفا ائتمیشلر وهر کس بیر مساله یه دایاناراخ بو باره ده نظر وئر میشلر .
بیری نظر وئرمیش کی اسکندر همین شهری آلدیغیندان صونرا اونی اودا چکمیش و صونرا (سئر) داغینا چیخیب ویونان دیلیجه دئمیش کی (اورم) یعنی
( یانقین )
دئماخ بو نظر ده او بیری لری کیمین نه بیر سندیته مالیکدی و نه کیمسه اونا قیمت وئریر .

اورومیه نه زاماندان بو آدلا تانیندی ؟
دئماخ بو کلمه عرب لرین ایرانا واردیغی زامانلاردان دیللره دوشموش نیه کی
کلمه نین قورولوشودا بو نی نشان وئریر .ساسانی دورینده ن قاباخ همین منطقه دایما ایرانلی لارینان رومی لر آراسیندا دویوش یئری اولموش و صونرا بیر چوخ دویوش لر ارمنستان اولکه سینه چکیلیب واوردا دوام ائتمیشدی .لکن هر زامان بو منطقه نین ارمنستانلا قونشی اولدوغی نا گوره رومی لرین گئت گه ل یئری اولموش نئجه کی مسیحیت رومی لر طریقی نن ایلک دفعه اورومیه و اونون چئوره سینده یایلمیشدی .بو مساله یه شاهد بیر چوخ کلیسا لارین اورومیه واونون یاخینلاریندا تیکیلمه سیدی .
همین سببه عرب لر بو منطقه یه واراندا مسیحیتی بو منطقه ده باشقا دینلره گوره
گوجلی گورموش و مسیحیتی رومی لرین دینی سایاراخ بو شهرین ده آدینا (رومیه) دئمیشلر.

( رومیه ) نه جور ( اورومیه ) اولدی؟

بیزیم بیر چوخ کند لریمیزده وخاصه سوادسیز اداملار ( ر) حرفی نن باشلانان کلمه لرین بیر چو خو نون اولینه کسره لی ( ا ) حرفینی آرتیریللار مثلا :
رحیم > ا رحیم
رسول > ارسول
رف > اره ف
هابئله (رو ) حرفلرینن باشلانان (غیر ترکی) کلمه لرین بیر چوخونون اولینه (او ) کلمه سی آرتیریلار مثلا:
روس > اوروس
رئوف >اوروف

روبابه > اوربابا
رومیه > اورومیه
دئماخ (رومیه ) کلمه سینین ده ( اورومیه ) کلمه سینه چئویرمه سینین ده سببی بو اولموش .

................................... (بهمن وحدتی ( بهار ) اورومیه .............................