ایل صونا اردی دئماخ سنده گئدیرسن علی ده
آیریلیر دوستلاریمیز چیخدی وفاسیز ولی ده
سینه میزده قالادیخ بیز نه گوزل خاطره لر
او گوزل خاطره لرده آجی دا گولمه لی ده
بوشار انسانی بو میزلر اینانین پیس قوجا تک
یاخشی انساندا بوشار هم مییزی هم صندلی ده
بیز ده بیر بیر دایانار کن سئرادا گئتمه لیخ
او طرفدن دایانیبدیر سئرادا گل مه لی ده
اوتوز ایل زحمته دوزدوز یورولوبسوز بیلی ره م
بیته ر آنجاق بو اوزون یول یورولان دینجه لی ده
معلمین قدرینی بیلمز سه ده کیمسه غمی یوخ
بو طبیعتده بالیق بیلمه سه .خالیق بیلی ده
تاپدانان توپراق اولار گویده اوچانلار توز اولی
دو شونر سن بو سوزی منده دئسم پرده لی ده
بیرده گلسم بو گوزل دونیایا معللم گله ره م
باخمارام توک چیخارا ثروتی نن زولفعلی ده
معلمین عشقی دیر آنجاق اونی شمع تک یاخیران
یوخسا دوز مه ز بئله بیر زحمته والله ده لی ده
غم یئمه بیر بئله شاگرد سیزه اولاد کیمی دیر
قیزی دا اوغلانی ده زیره کی ده تنبلی ده
یاشادیخ عزتی نن آزلیقا دوزدوخ بیر عومور
قویمادیخ ذللته باتسین شرفین بیر تئلی ده
(باهارین) طبعی کوتلمز بودا بیر نیسگیلی دی
اومودوم وار قبول اولسون سوزی ده نیسگیلی ده
(بهمن وحدتی (باهار ) اورومیه ........... ……………………………………
0 نظر:
ارسال يک نظر