اولوب کونلوم ائوی غمخانه چاتلار
آهیمدان تئتره یر بتخانه چاتلار
منه بیر می ویریب شیرین عذاریم
ائورگ آتش توتار پیمانه چاتلار
آیندان آیریلیب بیچاره کونلوم
اولوبدور غصه ده ن صد پاره کونلوم
گورنده ن بولبولون حال نزارین
دوشوبدور یالواریر هر خاره کونلوم
یارانمیش حوری تک او ماه منظر
نه شیرین دلبرو نه سرو پیکر
دئدیم بیر چاره قیل غمده ن اوصاندیم
دئدی غم چکمه چوخ الله و اکبر
سوروم کیمده ن ندیر آهیم الهی
کیمم من؟ هانسی یول راهیم الهی
پناهسیز بیر قوشام صحن چمنده
قوووب کاشانه ده ن شاهیم الهی
بئش اون گون دونیانی افسانه گوردوم
سارای لاردان قالان ویرانه گوردوم
کیمی درویش کیمی سلطان جبار
کیمی عاقل کیمی دیوانه گوردوم
.....................................(بهمن وحدتی ..(باهار).اورومیه.....)
اشتراک در:
نظرات پيام (Atom)
0 نظر:
ارسال يک نظر