گوزوم یولوندا قالدی بو دیزلریم یورولدی
سنه دردئگیم گولوم سامان کیمی قورودی
نده ن دئدین گلمدین سوز وئردیگین نئج اولدی
ایندی اوشاقلار کیمین آغلامیم نینیم ؟
سنین یاشیل گوزلرین کونلومی یاخدی آلدی
اوزون ساری تئللرین جانیمی درده سالدی
نده ن دئدین گلمدین گوزوم یولوندا قالدی
ایندی یارا قلبیمی باغلامیم نینیم؟
قلبیم آلیشیر منیم سنی گوردوگوم زامان
دیلیم نده ن توتولور اولور بو حالیم یامان
بوراخما یالقیز منی گئتمه آماندیر آمان
گئده رسن اوندا سنسیز اغلامیم نینیم؟
دئدین یازدا گه لرسن آیلار اولدی گلمه دین
صونالار اوچدی گئتدی گوللر سولدی گلمه دین
بولود آخدی کونلومه گوزلر دولدی گلمه دین
ایندی بولودلار کیمین آغلامیم نینیم؟
گئتدی کونول سلطانی بوراخدی یالقیز منی
اویاتمادی او آنجاق بو رویادان تئز منی
یالقیز بئله بوراخدی او سئو دیگیم قیز منی
ایندی یاغیشلار کیمین آغلامیم نینیم ؟
0 نظر:
ارسال يک نظر