هجران

ارسال شده توسط بهمن وحدتی در ساعت 00:18

دینمه باغریم دولی قاندیر حالیما یان گوزه لیم
ایله ره م یوز جانیم اولسا سنه قوربان گوزه لیم

گوزلریم گورموری سندن سورا بیر آیریسینی
بو یالان دونیا اولوبدور منه زندان گوزه لیم

باخیرام یئل گوتوره قاپ قارا زولفون هاوایا
بلکه ظلمت گئجه ده ن آی چیخا بیر آن گوزه لیم

آیریلیقدان نه یانیر اوددی دئیه رسن اوره گیم
گوزله که عشق اودوما سنده یانارسان گوزه لیم

قورخورام ساز تئلی تک قانلی اوره ک لر تیتیره
یئنه حسرت هاواسیندان چالا گارمان گوزه لیم

دوزوره م قار اریه یاز گله گوللر آچیلا
گه له سن گول ده ره سن بیرده بو داغدان گوزه لیم

دور (باهار) سیخسا گوزون آخاجاق سئل اوزونه
بیلیره م اولدوره جگدیر منی هجران گوزه لیم
بهمن وحدتی (بهار) اورومیه

 

برچسبها:

اشتراک در: نظرات پيام (Atom)