ایاقیم داردا

آی نازلی ملک لر.
ای صورتی انسان گیبی تندن کپنک لر
منی منده ن آیرین.
قوپارین عاقلا دولان بورکومی باشدان.
بو آغیر لیقدا پاپاق جسمیمی بورکدی
باغلایب آتلارا بوش بوش خیالی
هی هی چکیر آنجاق بو تنین داشقا سینی
قالمیشام زیغدا .چوموردا
دایانیب چکمری آتلار .
ائچریمده سونوب آنجاق کی یانان نورلی چراغلار .
دویموشام بوش یاشایشدان
وسمه لی قاشدان
گول یاناخدان
ترلی بوخاخدان
قوپارین گوزلریمی گورمه سین آنجاق.
گوز اولارسا نه دی بیر جوت اولی دی قویولوبدور قوشا بیر بوش قبیره
نه گورور ظولمی .نه انلیر نه دی حقین چراغی .

ائورگیمده سیزین اولسون .نیلرم باشدان ازلده ن غمه دولموش بو محبت سارائین
اود اولارسا اوزون اوتلور .سو اولورسا دنیزه آخمیری آنجاق قان اولارسا قوری بیر ائیستی بولاغدی سینه مین غم کویرینده.


آی خیا ل لار دنیزینده اوچاراخ قانلی کوپوک لر !
بوراخین بو یئه سیز بوش گمینی .بوراخین چایدا بوغولسون .
ایاقیم داردا سیزینله سورونممیر حیاتین قانلی تیکانلی بره سینده
آلین آنجاق منی منده ن آی نازلی ملک لر .ای صورتی انسان گیبی تنده ن کپنک لر .
بو یاباندا بوراخلمیش بو یازیخ لش نه سانیر وارلیقی نده قورخور کی اولومدن.
بیلیر آنجاق بیر اوووج توپراغیدی توپراقا توپراق اولا لایق
بو گرهدیر وئره نی قیتره جقدیر گنه خالیق

آلین الده ن قلمی دور دا یازارسا داها هئچ فایداسی یوخدور
نه یازیر کی یاشایشدان. نه تعریف لیر ایئری گوزده ن نده قاشدان دولانیر دورینه بیر فیرفرا تک ه قارالیر.
قلم الده نه اولارسا گره گ انسا نلیقا .حقه .قاناد اولسون.
قلمین غیرتی اولسا گرهگ آنجاق کی جنا یت . ظولومون بایراغینا قارشی دایانسین
اونا گلمز کی همیشه غلاف اولسون .
قلمینده اوجا داغلار کیمی بیر حرمتی واردیر..اودا انسان کیمی قاندان سود امیر .حقی ناحقه چئویرسه اودا لایق ناجاق اولسون .

بو یالانلار اوجاقی آدی باتمیش بو جاهاندا نه لر اولمور
نه ده چایلار دولوسی قیرمیزی قانلار کی سوواشمیر

بیری کیپ کیپ یاپیشیب تختی بوراخمیر. بیری قارنین دویورامیر گئجه یاتمیر

نئجه یازسین قلمیم شعر و غزلده ن ؟
نئجه عشقین هلووندان ؟
نئجه جیران کیمی گوزده ن ؟
بو سایاق کی فلکین چرخی گزیر چوخ زامان اولماز کی اوره ک لرده هامی پاسلی تیکانلی دمیر اولسون .

هانی دویغو ؟ هانی احساس هانی شعرین غزلین باغچاسینی بیر گزه ن اولسون
هانی انسانلیق . عشقی قانان اولسون ؟

منی منده ن آیئرین.پارچالایئن قلبیمی. آی نازلی ملک لر ای صورتی انسان گیبی تند ه ن کپنک لر


بو یازینی پادکستی :