)اوزله دیغیم دوستلار .تبریز دانشگاهیندان خاطره لر )

- شاعر عمی ال الینه ساز یئنه
دوستلارین احوالا تینی یاز یئنه
سوز بولاغین حسرتی نن قاز یئنه
بلکه کونول غم قاچیرا شاد اولا
گئچمیشده کی خاطیره لر یاد اولا
**************************8
هاردا او گون گلمیشیدیخ تبریزه
گاه دولانیب گاه یئغیشاردیخ بیزه
ایندی نئجه نقل ایلیم من سیزه
گلیب گئچدی باهاردا کی یئل کیمی
آشیب داشدی داغدان آشان سئل کیمی
******************************
جعفری نن نه خوش گونلر گئچیر دیخ
یولداش لارا ائیچمه لر ائیچیردیخ
دردین غمین ریشه سی نی بئچیر دیخ
قارداش کیمی خا طره لر بسله دئیخ
قارداشلیقین قول قانادین کسمه دئیخ
******************************
اویلاغیمیز دانشکده شاه گولی
ظالم فلک هر کسه بیر پای بولی
یولداشلاردان کیم دئیریدی کیم اولی
هدوش کیمی مرد اوغوللار قالمادی
عومور قابی یاریمچیلیق دولمادی
****************************
بیر ائو توتدوخ تپه باغین دئیبینده
کوچه لرین داپ داریشیخ بیرینده
باش ده گه ریدی قاپی سیندان گیرنده
ائودی دئدیخ بیز اورایا داشیندیخ
صبحه کیمین آئیخ قالدیخ قاشیندیخ
**************************8
آیدا وئردیخ اوچ یوز تومن اجاره
بیر آینادا یاپیشدیر دیخ دوواره
آشدیخ ظبطی قولاخ وئردیخ نواره
جعفر دوردی چپیک چالدی اوینادی
بیلمم نیه دونیا یالان دونیادی
***************************
یئغیشدیردیخ ائو ائشیگین اورتاسین
تمیز له دئیخ اویان بویان قیر ناسین
جعفر یئنه چالدی دوده ک زیرناسین
منده اونا سس وئره ره ک اوخوردوم
تصنیف لری بیر بیرینه توخوردوم
*****************************8
قاب قاجالار ائوده جلمان گئده ردی
جعفر هر ده ن دستمالینان سیله ردی
قالان لاری میلچک پیشیئک یئه ردی
یاغ یومورتا . املت.دوگی یئه ردیخ
بیلمه زیدیخ چوخ یئمه لی دئیردیخ
**************************
آخشام اولدی نرد تخته نی قوراردیخ
نوبتی نن بیر بیرینی اوتاردیخ
اوینا ماقدان بیر جه مگر دویاردیخ
گوردون جعفر تاسلارینی جوت ده دی
توتدی تاسی جفت شش لری دورتده دی
**************************
اوروشلوقی اوباشدانسیز توتاردیخ
ناهار گئچدی آخشاما جن یاتاردیخ
غم غصه نین اناسینی ساتاردیخ
آی نه گوزه ل گونلریدی گئچدئیلر
خوش گونلره بیر قارا دون بئچدئیلر
****************************
قدیر عمی نین قیز لارینان اداسی
نجیبه نین نجابتی حیاسی
حئیف اولدی کیوان کیمی بالاسی
شوکر اللها خوشبخت دئیلر شاد دیلار
بیر بیرینه دایاخ دئیلار داددیلار
*******************************
دوست یانان دار گونونده حبیب دی
داروسازدی .آنلاخلیدی طبیب دی
مرد اوغولدی حیالی د ی نجیب دی
ایندی ده وار دوستلارینی آتمیب
معرفتی نی وار دولته ساتمیب

********************************
دوکتور احمد دوکتورلارین شاه گولی
دوکتورلارین لاپ گوزه لی خوشگلی
انشا الله کی اولماز غمی موشگلی
حلال حرام یاخشی یامان قانان دی
کار کاسیبا . یار یولداشا یاناندی
********************************
بویوک آغانین دوشسون قاداسی داغا
سوز صحبتی بالدب سوزوب قایماغا
خلاصه سی بیر دسته گولدی آغا
دوکتور اولوب واردی شانی شهرتی
شهریمزده آدی سانی حورمتی
***********************************
قنبریان چوخدان بیزی یوخلامیر
بیر چای دئیب دوستی قوناخ ساخلامیر
باش قاریشیب چوخ چالیشیر یوخلامیر
بیر آرزوم وار گلیب بیزی یوخلاسین
هاردا وارسا الله اونی ساخلاسین
***********************************
جاواد د.... دوکتور اولدی خوش اولدی
آخیریندا خوش گونلره توش اولدی
..... ه لاپ بئله قارداش اولدی
ایندی ده وار بیر بیرینن واردیلار
شوکر اللها بیر جوت توکان آلدئیلار
.*******************************
پولسوز پولسوز شادلیقینان یاشیر دئیخ
خوش گونلری بوش الی نن داشیردئیخ
دایچا کیمین داغ تپه ده ن آشیر دئیخ
بیلمم نیه او دئیل داماخ قالمادی
هر نه اولدی او خوش گونلر اولمادی
******************************** ( آردی وار .......................اورومیه .بهمن وحدتی .......(باهار) 88/3/11 ..........

هله لیک قارنیمیزن کوپون آلاق !

_دوغورداندا بو خبرین یایلماسین بو عزتلی و آغیر تورک مللتینه تبریک ده مه لیک کی آنجاق یوز ایلده ن صونرا بئله بیر افتخارا ال تاپمیشلار .
-دوزی دوغروسی بو خبرین یایلماسی دوغورداندا تورک مللتینه اوتاندیرجی و بیر داها تورک دیلینی محلی بیر دئیل معرفی ائتماقا هدفلی بیر
خبری دی .
__ اونجه بیلمم دنیادا نئچه اولکه ده و2ی میلیارد بو زنگین دئیله دانیشان تورک مللتی نین دئیلی هانسی زاماندان بیر محلی دئیل سایلیب و بئله
بیر افتخارا نائل اولمو شدی .

شبهه سیز بو شورانین باشیندا اوتوروب وبئله کی قرار وئردیک لرینده ن نه تورک مللتینین سایندان خبر لری وار و نه اونون نئچه مین
ائیلده ن بری یارانان دئیلینده ن .بلکه ده ابتدائی مدرسه لرده ن باشلانان و دانشگاهلاردا قورتولمیان باشقا دئیل لر فارس. عرب . وانگیلیس
دئیللری اله چتین و اونملیمیش کی بیز دو شونمه میشیک ویا دونیانین لاپ اعتبارلی فرهنگی مرکزی (یونسکو )طرفینده ن دونیادا 3ئنجی
دئیل تانینان تورک دیئلی ائله ساده وبسیطیمیش کی 2ی واحد درسی نه ن بو دئیلی اورگشمه ک اولارمیش .
الله قدیم کیشیله ره رحمت ائیله سین کی دئمیشله ر قونشویا اومود اولان گئجه نی شامسیز یاتار. لکن دوغورداندا بو شورانین یئنی تصمیمی تورک
د ئیلینه دانیشان بعضی تورک لرین قارنین کوپون آلماقار ده گمه زیمیمیش .

_ بیر داها خاطیر لامالیام کی تورک مللتی نین ائیستگی بئله بیر اویونلار یوخ بلکه بوتون اولکه ده و خاصه اذربایجاندا آنا یاسا میزدا 15ئنجی و
و19ئنجی اصل لرین اجرا ائیتمه سی وتورک دئیلی نی ابتدائی مدرسه لرده ن باشلیاراخ وایران دا یاشیان تورک مللتینی آغیرعزیز له ئیب
واولاری اوز دئیل لرینده یازیب پوزما امکانی یاراتماخدادی یوخسام بو آغیر مللت کیمسه نین بئله کی قرارلارینا محتاج قالمیب.
_ شبهه سیز بو امکانا یئتماغا ایندی ده ن خاص تدبیر لر ین توکولمه سی لازیم وبیر چوخ معلم ومربی لرین تربیت وئرمه سینه جدی امکانلار
یاراتماخدی .
_ آنجاق بونی هر کس بئیلمه لی دی کی هئچ مللت و هئچ قوم اوز آنا دئیلینده ن اوزولوب و اوزگه دئیل لرینه یانا شمیا جاخدی چونکی هر مللتین ا

اوزه لیگی اوز آنا دئیلینده واوز مللتی نین آراسیندا عزیز له نیبدی . همین سوزه بیر دوز گون ادعا تورک مللتینین دئیلی دی کی قرنلرده ن گئچه راخ

و اوزگه دئیل لره معروض قالاراخ هله د ه ساغ سالیم یاشاماخدادی.

( اورومیه بهمن وحدتی /0 باهار ) 1388/ 3 / 7 )..............................................

)) زنگین بیر فرهنگه مالیک اولان مللتی کیمسه ئیخا بیلمز..)

_ تورک مللتینین مدنی _فکری تاریخی ان اسکی زامانلاردان باشلامیش عصیر لر بویو یاشامیش اوز سیاسی وفرهنگی وارلیغینی
قورویوب وتاریخین ان قوروخودوجی حادثه لرینده ن گئچه ره ک بو گونه قده رباش اوجا وداغ کیمی دایانمیشدیر .
بو بویوک مللتین آغیرلیقینا تاریخده ن قالان آبده لر یوخ بلکه اونون زنگین وتای سیز شفاهی خلق ادبیاتی شاهد دیر .تاریخ بویو آذربایجاندا
خلق لرین ان دوغما وانسانی احساس .دوشونجه .اینانیش . اجتماعی وسیاسی حیات تجربه لری . یارادیجیلیق وباشاراتی بو تونلوقجه اونون
شفاهی خلق ادبیاتیندا توپلانیب بو گونه قده ر خلق آراسییندا قورونوب ساخلانمیشدیر .
--بوخلق مدنیت وبیلیگی ساحه سینده . اولدوقجا گئنیش واهمیتلی یئر توتان شفاهی خلق ادبیاتی (فولکولور) تورک مللتینین زنگین تاریخینده
انسان حیاتینین ان اسکی وابتدائی چاعلاریندان باشلامیش .مختلف نسیل لرده ن گئچه ره ک بیزیم زامانیمیزا قده ر گلیب چاتمیشدی .
یازیلی ادبیاتدان چوخ چوخ اول بو بدیعی اثرلر تورک مللتینیین مدنی فیکیر له رین گوسته ره ره ک صونراکی نسیل لرده بیر چوخ سوز اوستا
لارینا اوز درین تاثیر ینی بوراخمیش (نظامی مولوی عطار .فردوسی . فضولی و آیری آیری اولمز اثر لر یارادان شاعرلر و سوز اوستادلارینا
تمل داشی اولموشدور .
آذر بایجان شفاهی خلق ادبیاتینین زنگین لیقینه سبب اولان تور ک دیللی دونیانین ان قایدالی و زنگین بیر دیللرینده ن اولاراخ بو شفاهی ادبیاتین
تای سیز نمونه لرینین یارادییجیلیقینا بدیعی اثر بوراخمیشدیر آیریجا دئماخ اولور کی اونلار اینجه لیقله بیر بیرلرین تاماملامیشلار .
شفاهی ادبیات انسانلارین گئچمیشده کی معیشت طرزینده ن تاثیر آلاراخ بو زحمتکش خلقین مذهبی اینانیشلار. ادراک. یارادیجیلیق .
حیات تجربه لری و عادت وعنغنه لرین ( داستانلار. نغمه. اتا سوز لری .بایاتیلار .بیلمه جه. قوشما .لایلار .ضرب المثل لر.تاتر.
اویونلار. دراملار.لطیفه لر .اوخشامالار.آغی لار ) وبوکیمی بدیعی اثرلر ده عکس ائتمیشدیر دی.
_تاسفلا تورک مللتینین بو اسکی و زنگین فرهنگی یوز ائیل اخیرده حاکمیت لرین ایران اولکه سینده تورک مللتینین گوج. یارادیجیلیق و
آغیر فرهنگین آرادان اپارما سیاستلری اساسدا واونون آردیچا تورک دیلینین یازیب پوزما امکانلارین الینده ن الاراخ بو زنگین فرهنگی اوزگه
قوملارا تانیتدیرما غا جدی حالدا مانع یاراتمیشدی.
باخمیارخ کی بو اولمز فرهنکی اوزگه ملتلر تورک مللتلری کیمی دوشونمویوب ودئیل آیری لیقی اوچون اونون ائنجه لیقینده ن خبر سیز
قالاجاخلار آمما بو زنگین دئیل بوتون بدیعی اثرلریله بئله شئوینیست لرین آلچاق فیکیرلرینه باخمیاراخ اوز حیات و یاشایشینا دوام ائده جقدی .
_ بو گون بوتون تورک مللتی و الینه قلم آلان هر تورک یازیچی سیینا ( درگی لر. کازاته لر . وبلاگ لار . سایت لار .) و آیری
بیلیم اداملارینا تورک مللتینین تاریخ و زنگین فرهنگین تاندیرماقا آغیر مسئو لیت یارانمیشدی .اولسون کی بو چالیشقلار بیر یئره توپلانیب
تورک مللتینه خور باخان هر کسی یئرینده سوسدورسون.. ( آردی وار )

اولکه میزین یئنی اسلامی جمهور باشکانی تورک دئلینه حورمت ائتمه لی دی

اولکه میزده یئنی جمهور باشکانلیق سئچیمه قاتیلان 35 میلیون تورک مللتی اوز آنا دیللرینده یازیب پوزماقا
امکانلاری یوخدی..
---تاسفلا یونسکو طرفینده ن دنیادا 3 ئنجی دئیل آدلانان تورک دیلینه آنا یاسا میزدا یئرله شن 15ئنجی و 19 ئنجی اصل لرده یاردیم ائتمه دی.
بو دقت چه کن موضوع یئنی جمهور باشکانلیق سئچیمینه قاتیلان هر کسه اونملی دی .
--- بو آغیر تورک مللتی نین ائیستگی یئرینه یئتیرمه لی و بیر چوخ مدرسه لر و اورتا تحصیلاتلارا امکان وئره ن مکانلاردا یئرلشدیر مه لی دی.
تاسفلا اوز دیلینده یازیب پوزما قینین اور گشمه سینه علاقه گوستره ن میلیونلار نفر بیر رسمی فرهنگ مکاندان محروم دولار .علاوه بو محرومیت بیر چوخ استکبار اولکه لرینه تبلیغات امکانی وئریب بو محرومیتده ن بئینیلمز و اولدوقجا استفاده ائدیب بوتون تورک مللتین قورشالا میشلار.
بو اونملی مساله یه نه تهجه یئنی جمهور باشکانی بلکه بوتون ( درگی لر) .(وبلاگلار وسایت لار) و رادیو وتلویزیون مرکزلری دقت یئتیر مه لی دی .
__ شبهه سیز بو رسمی دئیل مرکز لری نین آچیلماسی بوتون آنا دیلینی اوره کده ن سئوه ن آغیر وبویوک تورک مللتینه سئویندئر یجی اولاجاقدی.
( اورومیه ......... بهمن وحدتی (باهار).....26/2/ 88 .......)

وطنیم

سلااحی باغریما آللام گئه ره م قان کفنی
قویمارام بیرده کی دشمن ائده غارت وطنی
آیئغام یاتمامیشام دوشسه الیمده ن سلاحیم
دیرناغیمنان ائده ره م منده حمایت وطنی

هله واردیر غلافا سالمامیشام خنجریمی
بو قابار وورموش الیمله سئله ره م قان ته ریمی
وورا دوشمان تیر یله گر اولا صد پاره وطن
اوز گوزومده ن قان آخا ترک ائله مم سنگریمی

اوره گیمده یارا واردیر ایاقیمدا قاباریم
وطنین سئوگی سیه م من شرفیم وار داماریم
بیرده گر قصد ائده دوشمان کی آلا شان وطنی
او جهنم اودی تک اود سالاجاق تیر باریم

وطنین عشقینه قوربان او قیزیل تو پراغینا
قونار ازاده قوشی یازدا یاشیل یارپاغینا
وطینیمذیر شرفیم آی شرفیمدیر وطنیم
(باهارام) تورک اوغلویام گوجلی قولام قولباغینا

................بهمن وحدتی (باهار) اورومیه ...24/2/88......

خموش ای بلبل دستان...........................

دلا بر خیز زمستان شد خزان قصد سفر دارد

بگو در این دم اخر به حال ما نظر دارد

بگویید تا خزان اینک قدم آهسته بردارد

زکوی عاشقان اینک گذر دارد گذر دارد

خموش ای بلبل دستان که برف امد به کوهستان

نه گل مانده نه بد مستان جهان لطفی دگر دارد

نه رنگی در چمن مانده . نه بوی یاسمن مانده

نه ناز نسترن مانده .نه برگی ان شجر دارد

بیا از کینه ها بگذر دمی کار جهان بنگر

جهان گشته سپید یکسر . ز یکرنگی خبر دارد

نه ان برفی که می بارد خیال رقص خوش دارد

نشان از صد هنر ارد که ان صاحب هنر دارد

مشو غافل ز حق یکدم ترا باطل ز ره دارد

که هر گندم که می روید به همراهش دوسر دارد

حذر از اتش نفست ترا در آتشش سوزد

که آتش این نمی داند که هیزم خشک و تر دارد

چنان در آتش عشقت دل و جانم بهم سوزد

نه تسکینی دوا بخشد نه برفابه اثر دارد

چه می ترسانی از منزل که راهی پر خطر دارد

که ما را مرغ حق هر شب به زیر بال و پر دارد

دلا امشب در این محفل چو شمعی در لگن سوزی

چو روز آید برون همه مستان ز روی تو حذر دارد

کنون ای گل ز سوی ما خیال آسوده تر باشد

( بهار ) قدرت چنان داند که زرگر قدر زر دارد

بهمن وحدتی (بهار)......اورومیه.....87 9 13

گیزلین ...................

کونلومی یاخدی آلا گوزلرین
جیرانا واردی یامان بنزرین
دوشنده یادیما شیرین سوزلرین
گوز یاشیم دونور قانه گیزلین

یارانمیشام من یالقیز ازلده ن
حالیمی سوروش ساری خزلده ن
آیریلمیشام سن کیمی گوزلده ن
گلمیشم گئجه لر جانه گیزلین

دوشئدی ارامیزداکی پرده
گورئیدیم او گول جمالی بیرده
یاشیل چمنده خلوتلی یئرده
چکه یئدیم تئلینه شانه گیزلین

رغبتیم یوخ چمنه سونبوله
سن اولان یئرده کیم باخار گوله
عشقین دوندردی اخیر بولبوله
اوخورام اوره گیمده ترانه گیزلین

یازیلسین بولار مزار داشیندا
قالدی گوزلریم ایکی قاشیندا
سن بیر نو گول من قیرخ یاشیندا
اودور کی اولموشام دیوانه گیزلین

.............................................بهمن وحدتی (باهار) اورومیه